മലയാളം: കല്ലുരുക്കി കേരളത്തിൽ കൃഷിചെയ്യാത്ത പുരയിടങ്ങളിലും പാതയോരത്തും കാണപ്പെടുന്ന 30 സെന്റീമീറ്റർ വരെ പൊക്കത്തിൽ വളരുന്ന വാർഷികസസ്യമാണ് കല്ലുരുക്കി. വൃക്കയിലെ കല്ല് മാറ്റാൻ കഴിവുള്ള ഔഷധസസ്യമായതുകൊണ്ടാന് കല്ലുരുക്കി എന്ന പേര് ഈ സസ്യത്തിന് വന്നത്. ശാഖകളായി വളരുന്ന ഈ ചെടിയിൽ ചെറിയ ഇലകൾ പച്ചനിറമുള്ള തണ്ടിനു ചുറ്റുമായി കാണപ്പെടുന്നു. ഇലയുടെ കക്ഷങ്ങളിൽ വിടരുന്ന വെളുത്ത പൂക്കളിൽ പരാഗണം നടക്കാൻ ശലഭങ്ങൾ സഹായിക്കുന്നു.