عبد الله بن صقيه التميمي

عبد الله بن علي بن صقيه شاعر سعودي، ولد عام 1356 هـ ببلده الصفرات بمنطقة المحمل في بلاد نجد بدأ ينظم الشعر الشعبي عام 1372هـ وصدر له أول ديوان عام 1388هـ. وله ملاحم شعريه تمجيداً بقبيلته تميم وهو من كبار شعراء قبيلة بني تميم في الوقت المعاصر.

عبد الله بن صقيه التميمي
معلومات شخصية
تاريخ الميلاد	1356هـ
تاريخ الوفاة	1436هـ
الجنسية	السعودية
بوابة الأدب

اسمه ونسبه

عبد الله بن علي بن عبد الله بن علي بن إبراهيم بن محمد بن أحمد بن علي بن صقيه وال صقيه من ال بسام بن عساكر بن بسام بن عقبه بن ريس بن زاخر بن محمد بن علوي بن وهيب بن قاسم بن موسى بن مسعود بن عقبه بن سنيع بن نهشل بن شداد بن زهير بن شهاب بن ربيعه بن أبي سود بن مالك بن حنظله بن مالك بن زيد مناه بن تميم بن مر بن أد بن عمرو بن إلياس بن مضر بن نزار بن معد بن عدنان.

والشاعر عبد الله بن علي التميمي من الوهبة من ال بسام من قبيله تميم.

نسب أخوالة: من عائلة السلطان من قبيلة الدواسر فخذ الوداعين من الصفرات بالمحمل.

مولده

ولد عام 1356هـ ببلده الصفرات بمنطقة المحمل في بلاد نجد.

وللشاعر إلمام بعلم النسب ويحفظ المطولات من عيون الشعر الشعبي.

وعمله رئيس هيئة الأمر بالمعروف والنهي عن المنكر في بلده الصفرات.

مؤلفاته

له كتاب بنو تميم في بلاد الجبلين , طبع ونشرت أول نسخة قبل ما يربو على 30 سنه، عام 1401هـ -1981م.

وله دواوين:

• ديوان التميمي 1
• ديوان التميمي 2
• ديوان التميمي 3
• ديوان التميمي 4
• ديوان التميمي 5
• ديوان التميمي 6
• ديوان التميمي 7
• ديوان التميمي 8

من أشعاره

صدر الفصل الأول من الديوان بقصيدته المطولة في وقعة (وديعة) وكان أولى بها أن تجعل في باب الفخر، فهدفها ومضمونها يحوم حوله.. وقال من أبيات هذه القصيدة مادحاً:

يابن من بكاه السيف والدرع والفرس \\ عبد العزيـز اللـي بناهـا وخلالهـا

واخوانك أهل الباس كسابة الثنا \\ عند اللوازم والمهمات تلقاها

وبني عمك الادنين إلى اشهوهب الفلك\\ وسيلة هل العوجا تنخوت بعوجاها

جناحينك اللي لي عتزيت تفلها \\بهم طويلات الشواهيق ترقاها

إلى آخر القصيدة

هذه القصيدة قالها شاعر تميم الشاعر عبد الله بن علي بن صقيه الوهبي الحنظلي التميمي في الشيخ حمد بن خليفة آل ثاني التميمي أمير دولة قطر الشقيقة، وذلك بمناسبة دعوة لشاعر تميم، وقد ألقاها على سموه في مكتبه يوم الثلاثاء. الموافق 17/1/1425هـ.

دّيـت ذكـر الله علـى كـل قـاف \\ الخالـق ألـلـي بالمخالـيـق روّاف

وأخـلاف ذا يالـي حماكـم يخـاف \\ تميمي لاختف من خـاف مـا خـاف

ياشيـخ جدانـك ربيـع الضـعـاف \\ مزبان من قلبه من الخـوف رجـاف

أنشهـد إنـك وافـي نسـل وافــي \\ من سلسلة ليـث بالأكـوان ينشـاف

قاسم مرو السيـف هيـف الهرافـي \\ مقعد صغى العيـال للمـال متـلاف

يا لحنظلي يالريـف وقـت الجفـاف \\ يالصيرمـي يلـي للأمجـاد ميـلاف

جدك خرج من حي أشيقـر اسنافـي \\ بخيل إلى رد البرى ترجـف ارجـف

معـرب الجديـن ماهـوب هـافـي \\ حامي حمى الدوحة وبحره والاريـاف

إلى آخر القصيدة ومن فخريات ابن صقيه قوله:

تميمي يطهن بحربة دناياه \\ عظم رقبة ما هي عزوة حلايف

قبيلة ماهي بـ(لفو) ملزاه \\ يشهد لها بالطيب كل الطوايف

مثل الجبال اللي بنجدً مرساه \\ نوايف يزمي وراها نوايف

ومن روائع ابن صقيه في قومه قوله:

الصافنات الموغرات المرهمات \\ حنا اليا حل البلا فرسانها

و حنا اللوايح بالبيوت العامرة \\ وحنا اليا رد البرا عمدانها

وحنا (عصا موسى) اليا حمي الوطيس \\ تمشي وتلقف ما صنع كهانها

يبكي علينا ولا نبكي على موتة شهيد \\ من مات عله في فسيح جنانها

وقد أضاف لندوة التراث الشعبي التشريف لهم بمشاركة الشاعر عبد الله بن صقيه الوهيبي التميمي لعام 1405هـ الجنادرية 1

من الحكم والأمثال

البارحه ممسيت نومي على الكوع

من علةٍ فيها الروابع تضيعي

القلب كنه بالمعاليق منزوع

وأنا أحسبن صدري لقلبي وسيعي

لوصحت بأعلى الصوت مانيب مسموع

مثل المدوّه للذويد القطيعي

دنياً تقلب ماعرفنا لها طبوع

ميلاتها منها يشيب الرضيعي

إليا صفت ساعه تكدر لك سبوع

لوتبي تعدل ميلها ماتطيعي

يذل من نكباتها وافي البوع

ترفع مواضيعٍ وتاضع رفيعي

صكاتها تجعل صعيب الملا طوع

وغاراتها تأتيه مع كل ريعي

وقوله:

ما يرتجى من قاصر الشبر فزعة

ولا ينشكى حالٍ على غير عارفه

بيت الردى لو شيَّده راعي الردى

لابد جدرانـه عليـه متقاصفـة

جلوسك مع من لا يفيدك مجالسه

تقضي حياتك والهموم مترادفـة

وله نفحات يسمو فيها ويسمو حتى ليشدك إليه استعرض معي هذه الأبيات:

والخلق خاطبها بقـدر عقولهـا

واشكر كريـم للسبيـل هـداك

وان جاك من سود الليالي ضدة

لا تنس مكـن بالالـه رجـاك

من لا يعزك لا تناظر خاطـره

بعه برخصٍ عقب غال شـراك

العز في الشيمة وترك المعرضة

والفعل لا من الخصيـم بـلاك

والفعل لا من الخصيـم بـلاك موتك على عزٍّ ولو مـا تدفـن

سحم الضواري يمعطن اشـواك

اعز مـن تبقـى ذليـلٍ ساعـة

بجـوار نـذلٍ قاصـرٍ يرهـاك

وتراه يضرب على هذا الوتر في كثير من شعره

أكبر خطا ياللي تعرف المخطية

البس يشبـع والنمـور جيـاع

نْمورٍ عن الخنعة تعز نفوسهـا

مهيب تخدعهـا العـدا بلعـاع

حفاظة الشيمة مهدية الصعـب

ساس العروبة والنفوس رفـاع

ومنها:

إن كان ما تحمي الأسود لحومها

صارت لسودان الوجيـه متـاع

ومن قصائده

ياللي ترى انك بزعمك من حلاحيل الحلاحيل

أشوف لك مع طريق مظلـم جيَّـة وروحـه

دع ما يريبك إلى مالا يريبك واجدع الشيـل

لا تشتقي في محيط يدهلـن الـورق دوحـه

إلى وردت العدود فلا تمس الحبـل بالحيـل

ما كل بيرٍ محوصك يسلمن من قص صوحه

أنا نذيرك ولا ابغى منك عن نصحي مناويل

لا تركب المركب اللي هزَّت الامواج لوحة

ويؤذيه كثيراً ما يرى من ناسه وزمانه فيفرغ بعض مافي نفسه شعراً لاذعاً موجعاً.. يقول:

اليوم الاذناب صارت من غرابيل الدهر روس

اللي منوَّل بمخصبة القـرى تشحـذ قراهـا

الناس صارت بتالي وقتها ناحس ومنحـوس

معاد والهل تطيب قلوبهـا مـن كثـر داهـا

لولا الكمام أصبح اللي يدعي بالفرس مفروس

يا كثر ناس إلى بحث الكـدا تشبـه نساهـا

وقوله

الله مـن عـيـن تـهـل اعبـارهـا

النـوم فـي جنـح الدجـى مازارهـا

الـى عذلـت العيـن عيـت لاتنـام

ماغيـر اعالجهـا بنظـم اشعـارهـا

حمـر محاجرهـا مـن الدمـع الغزيـر

لى هـل يسقـي مملاحـات ديارهـا

بكي علـى فرقـا مدابيـس الظـلام

صـار العـوض بليوثهـا سنـارهـا

تغرضـت شبـه الثعالـب للنـمـور

والبوم باتت فـي وكورهـا احرارهـا

كرم من سمع-ركـاب الحميـر

بالفـارس المغـوار ســوّ مهـارهـا

قطعك دنيـا شيبـت راس الرضيـع

اوزت كثيـر كبـارهـا لصغـارهـا

اذويت غصـون زاكيـات مثمـرات

واحيـت غصـون ماتـذاق اثمارهـا

عادتهـا دايـم علـى الطيـب تميـل

الله يكافيـنـا شــرور اخطـارهـا

تعادلـن عنـدي حياتـي والمـمـات

من يـوم عيـب الـدار جا بجدارهـا

ويقول

يابنت ياللي كنها قايد الصيد

صيد طيور القنص ماذيرنه

ياغصن موز ناعم في ذرا غيد

بالصيف ناشية الروايح سقنه

وقال في القهوة

قم يا وديع السين والدال واعيهـا

يا اللي طوابير المعـادي تناحيهـا

احمس من البن المنقا على الغضـى

اوصيك بالتركيد يا اللي تسويهـا

اصحى تحركهـا بيكثـر سريبهـا

ولا تجي نيـه تمـرر حلاويهـا

عن الجمر شطرها إلى فاح ريحهـا

يلزمك يا قـرم الولايـد تحاظيهـا

وفي نجر ما وقـدر شبريـن دقهـا

حسه يجيب اللي تكسـر عزاويهـا

لقـم ببغداديـة كـن عنقهـا

عنق المهـاة المستحسـة براميهـا

وفاته

توفي ابن صقيه يوم الإثنين السادس والعشرين من شهر رمضان عام 1436هـ (2015م).